الجمعة، 3 مارس 2006

أسعد الله صباحكم

أسعد الله صباحكـُم

Comments:
هذا ليس اسلوب شلش العراقي...وانما هو تقليد بائس......اين ذهبت ياشلش...
ياكوكبا ماكان اقصر عمره.....
لك الله يا عراق ....خانك كل الاصفياء..
وحتى شلش قتلوه...او يمكن منعوه من الكتابة...حرصا على مشاعر المجرمين و القتلة و الحرامية
 
اين شلش الاصلي....ولماذا توقف في الفترة الماضية؟؟؟؟
وهل من المعقول ان يرجع ولا يتكلم لماذا كان مختفيا؟؟؟؟
انا ابصم بالعشرة انه ليس اسلوب شلش..
وحتى الطفل ممكن يميز هذا الشي...
يلى!!!!!!
هو بقى شي بالوطن

لم يَعُد ثمّةَ أطلال لكي نبكي عليها.
كيف تبكي أمَّةٌ
أخَذوا منها المدامعْ؟؟
((نزار قباني))


ـــــــــــــــــــــــــــ
يا وطني هل أنت بلاد الأعداء؟

هل أنت بقية داحس والغبراء؟

وطني أنقذني من رائحة الجوع البشري

مخيف

أنقذني من مدن يصبح فيها الناس

مداخن للخوف وللزبل

مخيس

من مدن ترقد في الماء الآسن

كالجاموس الوطني وتجتز الجيف

أنقذني كضريح نبي مسروق

في هذي الساعة في وطني تجتمع الأشعار

كشعب النار

وترضع في غفوات البر صغار النوق

يا وطني المعروض كنجمة صبح في السوق

في العلب الليلية يبكون عليك

ويستكمل بعض الثوار رجولتهم

ويهزون على الطلبة والبوق

أولئك أعداؤك يا وطني

مظفر النواب
 
يخي عونك علي.. و بيك خي عوني
 
ليش عيني ترة صدك هذا شلش اشو اني اعرف هذا شلش ,هاي شبيكم وليش شنو الي اتغير ,معليك عيني شلش اني ادري هو انت والف ياهلة برجعتك يلة على الاقل اتطdب هاي ايامنا الجافة بكلامك الرائع
ولتتأخر بعد علينة يمعود.
شلشولة وياك
 
عيني شلوشة المشلوشة
هسة قابل احنة شدنكول...احنة انريد الحقيقة.. الحقيقة الي جان شلش يكولهة بكل صراحة....و انريدة ال شلش..منريد غيرة...
واني اتمنة انه شلش بكل خير..الله يحميه انشاء الله...
بس هذا لو شلش جان هسة على الاقل كال اني اسف طولت الغيبة...بس اشو سوة نفسة مو يمة.....
شلشششششش
الله يخليك احجينة الحقيقة انت وينك...
شنو بطلوك....ضغطواعليك
...اغتالوك....مثل ما كتلوا اطوار الله يرحمهة.....

الله كريم...اتمنى اكون غلطان....
وهسة كلهة جم مقالة و تبين...
 
لماذا هذه الضجة ان كان شلش ام لا سوف تظهر من كتاباته .ومن يقول ان شلش يعيش في العراق ؟المهم اي شخص يجب ان يكتب حقيقة ما يعانيه العراقيين الشرفاء ومايفعله الحكام السارقين والطامعين بخيرات العراق واللذين يتمنون الدمار للشعب العراقي لانهم اصحاب عقد نفسية واقول بانهم جميعهم مرضى من الحكيم الى الجعفري والصدروصولاغ العجمي وموفق الربيعي الذي لايمت بصلة الى ربيعة وووووووالله كريم .ان شاء الله يجعل كيدهم في نحرهم
 
اهلا بيك اذا انت صدك شلش والله مكانك خالي ...ولو اني عندي شك باسلوب كتابتك
بس الايام الجايه تثبت اذا انت صدك شلش الورد
 
شفتوا....
يعني مو بس اني دا اشك....يلا
الله كريم
هاي نكتة...قديمة\ جديدة...بس يعني راهمة على الوضع

عراقي ديتمشى لكه فانوس سحري شاله وكام يمسح بيه طلعله العفريت
العفريت: شبيك لبيك العفريت بين ايديك....كول واتمنى
العراقي: اريد تبنيلي جسر بين العراق وكندا
العفريت: يااخي اطلب شيء معقول وممكن...شيبنيه للجسر مناه لكندا...اطلب غير شي
العراقي : لعد اريد اوضاع العراق تتحسن ويرتاحون العراقيين
العفريت: اكلك... الجسر تريده سايد واحد لو سايدين
 
إسمعي ، إسمعي " أنيتا " فهنَّا

وهُنا ، صادِحٌ صَبا فتغنَّى

والطريق المهجورُ عادَ فرَنَّا

مِنْ جديدٍ ببعثِه يتهنَّى

فلقد دبَّتِ الحياةُ إليهِ

وتمشّى المعاوِدونَ عليه

إسمعي وقعَ رائِحينَ وغادي

وتَمَلَّيْ مِن الوُجودِ المُعاد

والقَطارَ المجَلَجلَ المُتهادي

في سُفوحٍ مُنسابَةٍ وَوِهادِ

إسمعي ، إسمعي " أنيتا " صَداهُ

تَجِدي عن صَدى الزّمانِ بديلا

وَتَرْينَ الدُّنيا تُجِدُّ رَحيلا

بالأمانيِّ غُدوةً وأصيلا
 
اعتقد انو هذا اسلوب شلش
و المقال حلو و عجبني
و احنا محتاجيه جدا بهالايام
 
اخوان احنا منعرف ظروف الولد اكيد هو يقدر وضعه ,ومقاله تلاخير دليل على استمراره بنفس النهج
حماك الله ياشلش

مها
 
هذا الموقع متحيز....هسة حطيت رأيي...
اشو ورة شوية شالوا....
الظاهر الحكومة وصلت لهنا....
ويمكن صولاغ بنفسة المشرف

مع العلم اني كلشي ماكلت
غير انه اندعيت على كلمن يتمنى خراب البلد

الله يطول عمرة ال شلش وينطية الف عافية...
لان اذا راح
بعد ماكو احد يخوف الحكومة الحالية و الجاية
 
ما هو تعريف حضرتكم (بلا إسم) لكلمة: مـُبتذل؟؟

 
ابدعت يا رائع
 
السلام عليكم
و الله انا في الحقيقة مع رأي الاخ الي يشك بأسلوب شلش و اني من زمان حسيت بالنكرة و خصوصا من خف اشوية على اخوانا عبدة القبور الي تلفهم ان شاء الله و دزيتله ال شلش من وقتها رسالة على الميل مالته ما وصلت اكثر من مرة بعثتهايمكن الايميل الي منطيه مو صحيححححححححح و يظهر لو شلش بده يخاف او اشتغلت الظغوطات الديمقراطية بس على العموم اريد اكوله ال شلش بأني كلش احترمه بس رجاء ليخليني افقد اعجابي بيه و حتى يرضي الجماعات الاخرى يجيب طاري ناس شرفاء اشرف مني و منه ماله داعي يجيب طاري السيد حاث الضاري لأن هيئة علماء المسلمين هي فعلا الجهة الوحيدة الشريفة و هو انسان لا شك بحبه للعراقيين و يكرة الاحتلال و ما اعتقده اتنازع ويه القتلة على الحكم فيل شلشششششششششششششششششششششش رجاء اذا انته صدك شلش لا تلوص لأن السيد حاث الضاري تاج العراقيين و لا تشيل خطيته حتى ترضي.... انته تعرف المن اقصد



ام عمر
 
الشيخ حارث الضاري اكثر انسان لعب ابمستقبلنه احنه اهل السنه و حجاية الحق متزعل حته اذا على نفسنه. اتدخل اكثر من مره ضد مصلحه اهل السنه ابتسميات وطنيه و التاريخ مراح يتذكر الانسان الي زايد بالوطنيات. راح يحجي عالنتائج و بس (واحد زائد واحد يساوي اثنين). اخواني الحكمه هي ان ايكون القائد مرن و عنده حكمه لخدمه وطنه ثم اتباعه. شيخنا الموقر مخدم مصلحه الوطن و لا السنه ابد و النتائج هيه الي تحجي مو اني و لا غيري. العراق صار لا للسنه و لا للشيعه صار للحراميه و المزايدين. و لحد هاللحظه مقاطعه اجتماع او التثاقل في شرح وجهه النظر للطرف القوي (الامريكان) دي خلي مصدر المعلومات واحد و السنه من هاي المعلومات ارهابيين و الشيعه الغير مؤيدين لهذا المصدر اعداء (مثل الشيخ المحترم حازم الشعلان و اياد علاوي و السيد الموقر اياد جمال الدين و غيرهم الكثير). اني عشت بره العراق طويلا و سمعت من الاجانب جمله خلتني اعرف اشلون اتعامل وياهم و هي الام متعرف انه ابنهه جوعان اذا ميبجي و احنه صوتنه و معتقدتانه مراح توصل بالمقاطعه و العصبيه. فخلي انكون اذكياء رجاءا و نحجي و انجتمع و انشارك و انوصل صوتنه. ليش زلماي زاده ايروح للحكيم (شاله الله) من اكو ازمه؟ غير لان فاتح اذاعه اتزن اباذن السفير و تعاون ملكاه بالاطراف الاخرى و اخويه ابو علي انته صح و اني وياك و اتشرف بانك اخويه الشيعي العربي و اشيلك على راسي ما دام انته ابن بلدي و قلبك عليه. رجاءا لقادة الاحزاب و الجماعات السنيه عرفوا انه اهل السنه مكان الهم مرجعيه و لا راح ايكون الهم للمذهب و احنه طول عمرنه نرجع للموئمنين بي كاشخاص المتدين منا و العلماني فاتقوا الله فينا

سني عربي
 
حارث الضاري...اول من مهد الارض للمتطرفين بان يحملون السلاح و سن قانون المقاومة الغبية ....هسة صار جهاد ضد الامريكان ؟ لان غزاة و محتلين ؟!! على راسي ....لكن حارث الضاري اذا فعلا رجل دين ما قاري الحديث الشريف ان اعظم الجهاد عند الله كلمة حق عند سلطان جائر؟؟؟؟؟؟؟؟؟؟؟؟؟ ..وين جان بوقت صدام ؟؟؟ ما فتح حلكه يوم ...بالعكس ...كان بشكل او بآخر يأيده و يجاريه اذا ردنا نلطف الحقيقة.....كافيكم يا اخوان ...و كافيي يا ام عمر....و بالمناسبة ...لا تكولين هذا شيعي و حاقد و ما ادري شنو ....انا عراقي...و رغم عدم اعترافي بالمذاهب ...بس علمود لا تفهميني غلط ...اكولج...اني سني.... و بعد ؟؟؟ تكريتي...اي تكريتي ...بس عمري ما حبيت ايام ذاك الاغبر ولا كلمن كان وياه من حرامية وجلادين.....

تحية ل شلش العراقي...الشريف الغيور.... تحية لاغلى وطن ... اتمنى ارجعله يوم و نرجعله كلنة نبنيه و نعمره....و كافينا كلوب سودة اخوان...كافي ال صار...ايدينا سوة تكون قوية ...بس من تكون سوة

تكريتي
 
عندما قرات مقالة اسعد الله صباحكم حاكت عقلي لكنها لم تحاكي قلبي على العكس من باقي مقالات شلش التي تحاكي العقل والقلب اخوان مروتكم وين شلش لاننا ادمنا على هذا المهدء الذي لايوجد غيره في عراقنا وينك ياشلش وينك
 
إرسال تعليق



<< Home

This page is powered by Blogger. Isn't yours?