الأحد، 5 مارس، 2006

بـصـحـة الـعـراق

بـصـحـة الـعـراق

Comments:
بـصـحـة الـعراق ......!!!
عنوان جميل
من الجميل
 
الله ياعراق كلشي بيك حلو

راحت ايام البارات ياشلش

صدك جانت مشتركة ومابيها طائفية

عراقي حاب يرجع للايام القديمة
 
مجـرد أستفسـار للأخ شلـش : ماذا تقصـد بالصـلاة ألمشتـركه والتـي كررتها عدة مرات أذا كان جـميـع المدعوين من أبنـاء عمـومتـك وأخـوالـك وجيرانك ؟ يعنـي كلهـم شيعــه (لو سنـه) ؟؟ أليـس فـي كتابتـك هـذه تكريـس للطائفيه بشكـل مـخفـي ؟؟؟ أم أنـا علـى خطـأ

أبـو مـروان
 
بالنسبة الي اول مقال شكيت انه يكون لشلش لكن بالمقال الثاني ايقنت انه هوة مو شلش لتسألوني شون لان ما اعرف بس مو هوة
مسلمة
 
اني قريت التعليقات مال المقال السابق
و اعتقد الاسلوب متغير...
اعتقد هذا مو شلش

مواطن عراقي
 
السلام عليكم
اني بس احب اكول اني اتفق مع الاخ المواطن العراقي...لان الاسلوب صدك متغير
وبعدين اشو شلش ما كال وين اختفى الايام الماضية...
اني د افتقد صراحة شلش
واحد صريح
 
Shlesh,,mo shlesh,,Shlesh,,mo shlesh... hehe... yabeh howa shlesh bess shweya za3lan 3alleh el-jama3eh.. Let 8olboheh wet-sowoheh 8ethia igh6i6aff.. ok.. ; )
 
لا اني اعتقد هو شلش لان نفس الاسلوب
والاخ ابو مروان شلش كال اني وابناء عمي واخوالي ومجموعة اخرى صلينا عد اهلنا يعني اهلهم كما اعتقد في المذهب الثاني
واني اعتقد انو مقال جميل يتذكر بي الايام اللي جان بيها ما كو فرق

موصحيح ، بس شلش مكلتنا وين جنت
 
يـابــه هـاي أيـدي أكـُـصهه أذا هـاذا شلـش .. وهسـه تكـولـون واللــه معــاويـه كـال

معـــــاويه
 
اني اكول انسوي فحص دي ان اي.. عيني شلش ما تفتح حلكك شويه؟
 
الى ذكرى شلش الذي ازعج الذئاب و الضباع... بالصبح
اهدي قصيدة احمد مطر


عَرَبُ الأمسِ الغَواشِمْ

عِندما يُولَدُ فيهم شاعِرٌ

كانوا يُقيمونَ الولائمْ

وَيُريقونَ دَمَ الأَنعامِ

ما بَينَ يَدَيْه

وَيَفِرّونَ مِنَ الذُّلِّ إلَيْه.

غَيرَ أنَّ الأمسَ وَلّى

وعلى الأُفْقِ تَجلّى

عَرَبُ اليَومِ (الحواسِمْ)

فإذا هُمْ

عِندما يُولَدُ، بالرِّشوةِ،

في أكياسِهمْ.. صَوتُ الدّراهِمْ

يَذبحونَ الشّاعِرَ الحُرَّ

فِداءً لِلبهائِم

عراقي
 
الاخ العزيزشلش العراقي
للمرة الثانية اقلق عليك ايها النبيل شلش بعد فترة ثانية من انقطاعك عن الكتابة ، لكن الحمد لله ها انك بخير . ليس من العدل ولا من المعقول ان نطالبك بالكتابة يوميا ولكن

الظروف التعسة التي يمر بها الوطن حاليا وازدهار تجارة الاجرام بين صفوف الحكام والمعارضين على حد السواء تجعلنا نقلق جدا على امثالك ايها العراقي النبيل فنخاف عليك من اولاد الحرام. ترحمنا على نوري السعيد ، وترحمنا وبكينا عل العراقي النزيه، نصير الفقراء عبد الكريم قاسم . لم يدفعنا احد لذلك الترحم ولكن يبدو ان هناك من يريد ان بدفعنا الى الترحم على على ايام الطاغية !! لكننا سوف لن نفعل حتى لو هلكنا جميعا. الكاتب الجيد هو ذلك الذي يعبر عما يجيش في صدرك ، وهذا ما تفعله ايها العزيز معي ومع جمهور من قراءك . قبل حوالي اسبوعين ذهبت الى المقهى هنا في الغربة حيث تعودنا انا وبعض من الاخوان العراقيين على الحديث الاوحد وهو الهم العراقي ، سألوني الاخوان حال وصولي عن افضل السيل لاستقرار العراق ، قلت لهم ( بدون زعل) باغلاق جميع دور العبادة وفرض اقامة جبرية ومنع الاتصال مع جميع رجال الدين وفتح جميع البارات وصرف مخصصات شرب تشجيعية لكل الموظفين والعاملين في دوائر الدولة الذين يشربون فقط وكذلك مع الحصة التموينية. ومع مقالتك الرائعة كالاخريات "بصحة العراق" اخذ الاخوان هنا يتندرون ويقولون لي انك في حزب شلش ، ومن ان شلش يرسل مناشيره التثقيفية قبل طرح مقالته ... اقسم لك ايها العزيز اني لا اشرب الا قليلا جدا وفي المناسبات (ولكن ليس الوطنية) وجعلتني مقالتك اتذكر كيف ان الشرب كان حجة فقط ليجمعنا نحن الاصقاء، وكان الاصدقاء الشاريون يمثلون حبهة وطنية صادقة شوهها فيما بعد رجال السياسة وادعياء التدين ، هل تتذكر عندما كان يقسم احدنا " وحق هذي النية" اكان هناك نية اصدق منها؟ او يقول "وحق هذي النعمة" وهو يشير الى المشروب والمزة ، اكان شئ انعم منها؟ . يقولون انها كانت مفسدة ، ولكن بعد ان تحول الشارع نحو التدين قارن كي تعلم اين يكمن الفساد واين يعشعش الاجرام . دمت لنا ايها العزيز شلش .
 
ان شاء الله العراق يبقى دائما بعز وخير .هو بلد الكرم وبلد الخيرات التي جعلت جميع الطامعين من الدول المجاورةوالامريكان واليهود يطمعون فيه ويحلمون بتخرينه (حقدا وحسدا ليس الا) وعلينا ان نتوحد جميعا وندعوا الله ان لايفرق ببننا ويجعل كيد الاعداء في نحورهم
 
السلام عليكم
اخوان مقالة شلش هذي ما تنطيكم الحجة للشرب و الافتخار بيه اخوان لتخربطون و تنسون الحرام لتخلون ايمانكم يضعف و البلاء الي وقع علعراقيين خليه يزيد ايمانا يعني نخسر الدنيا و الاخرة
الاخ شلش (اذا كان شلش نفسه) قصده انه احنه بالمنكر اجتمعنا ماكو بارات سنية و شيعية بس مع الاسف بالدين ما اجتمعنا و صار عدنه جوامع سنية و شيعية و يتم الاعتداء عليها من بعض البدريين
المهم اني عندي تحليل يجوز صحيح ما ادري اذا اكو احد يأيدني :
اني بالنسبة الي كلش كنت و لازلت حزينة و اعتقد شلش كأي مواطن شريف حزين بسبب ما حدث بذيج الايام السودة فلهذا انلاحظ بالمقالتين الاخيرتين الاسلوب الساخر خف. الانسان من يكون متأذي و حزين من كل داخله ما يكدر يسخر بكتاباته و خصوصا ان الوضع ما يتحمل الضحك و الاستهزاء لأن الي حدث مس بيوت الله و حتى القران الكريم ما سلم من ايد العصابات السود و على رأسهم الدجال الحكيم و الجعفري الجبان اخزاهم الله دنيا و اخرة همه و ميليشياتهم


ام عمر
 
الله يحييها لام عمر
كلام ذهب......
بس سوال واحد.....
هو شلش نفسة شلش الاصلي...لو واحد ديريد يقلدة...اشو مو نفس الاسلوب؟؟

ابو علي
 
الى ام عمر
اني قريت التعليق مالتج على المقال السابق...و اريد اكول مادام انت تحبين شلش اذا يجب ان تكونين حيادية.. وليس من ذلك وصفج الشيعة بانهم عبدة القبور
انت مبين عليج تفتهمين..ويجب ان ما تلومين ناس بسطاء الظرف خلتهم اسفل السافلين وهم يدوسون باحذيتهم على اكبر ثروة نفطية بالعالم...(هاي اذا كان عدهم احذية)
الله يخليكم لا تلومون الناس البسطاء...هذولة ضحايا...ولازم انت تفكرون منو السبب..وتحاولون تصححون من الاخطاء بالحوار...وهذا الكلام مالتج يشجع الفرقة...واحنا الان بحاجة الى ناس عقلاء..يحاولون يقربون بين الناس.
السياسيين يحاولون يسيرون العامة البسيطة لاغراضهم الشخصية...ودخلو ناس من غير دول وصار الي صار...
هسة لازم نتوحد ضد هولاء الي يريدون يفرقونة...اني شيعي عربي و مرتي سنية كردية..و جوارينة بالمنطقة مسيح و صابئة ومن كل الاجناس...صارلهم بالكرادة فوق ال 100 سنة عايشين سويةمحد فد يوم كال هذا هيج لو هيج..

ابو علي
 
اخويه ابو علي شكرا لان انته ابن البلد و متفهم و تاخذ انفعال الغير ابعقل متفتح. كلامك للاخت ام عمر اني اشد عليه و مؤمن انه صحيح و من انسان عاقل مثل حضرتك. احتراماتي الشديده و الله ايوفق العراق

عراقي
 
شفت الوطن بالحلم

البارحة شفت الوطن بالطيف اجاني البارحه ..
گتله هلا ومية هلا يابو الخيول الجامحه ..
مديت اديه تسالمه شفت الگلب قبل الجفوف يصافحه ....
شلونك گلت ياموطني وظنوني ظلت سارحه ..
وانقطع وسطي من الخجل من الخجل وعيوني ظلت شابحه ..
قال اطمأن ياولدي كفتنا هي الراجحه ..
گتله الْيِرد ياموطني لحضنك الدافي تسامحه !! ..
گال اْليِرد وإلْما يِردْ وحتى الْيِفكر بالوطن ذنوبه كلهن طايحه ..
بس الْيِخون اُمّيِتهْ ما يستحق نقرا على روحه الفاتحه ..
گتله يبه ياموطني عندي حجي بغزر الدموع المالحه ..
گال احجي گول شما گلت طبع الوطن مثل الابو واجب عليك تصارحه ..
گتله يبه ياموطني ليش انت من دول الدول صاحت عليك الصايحه ؟؟
وليش انت من دون الدول اطفالك الحلوين بالدم سابحه ؟؟
وليش انت من دون الدول بكل بيت عندك نايحه ؟؟
وليش انت من دون الدول ناسك إتْصبّح نازحه ؟؟
وليش انت من دون الدول جيرانه كلها تواكحه ؟؟
وليش انت من دون الدول يا ثور بالعالم قوي تركض عليه تناطحه ؟؟
متْقلي منهو الْخبلك يا بو العقول الراجحه !! ..
شفته ضحك .. شفته ابتسم لمن حِجى و جاوب اجابه واضحه ..
قال اعتقد يا ولدي .. المشكله مو بالوطن .. المشكله بصدام هو الذابحه ..
يبقى الوطن هو الاصل والناس هي الرايحه ..
كفكف دموعك ياولد ادري بغريب الدار شوگه الجارحه ..
وادري بغريب الدار كل ما يِعتلي وكل ما صعد وشْما كسب خسران كل ما رابحه ..
حتى الطيور إلها وطن تهاجر لجل لمن يهزها الشوگ ترجع طافحه ..
وحتى النخيل إلها وطن ما تنشتل إلا بأرضنا المالحه ..
بس إحنا نبقى لِشْ وكت يا موطني نحلم وطنا نصافحه ؟؟ ..
وخلاف الوطن تبقى البشر مثل البهايم دايحه ..
والبارحه شفت الوطن بالطيف أجاني البارحه ..
 
أنا آت إلى ظل عينيك
محمود درويش

أنا آت إلى ظل عينيك ..آت

من خيام الزمان البعيد، و من لمعان السلاسل

أنت كل النساء اللواتي

مات أزواجهن، و كل الثواكل

أنت

أنت العيون التي فرّ منها الصباح

حين صارت أغاني البلابل

ورقا يابسا في مهب الرياح!

أنا آت إلى ظلّ عينيك.. آت

من جلود تحاك السجاجيد منها.. و من حدقات

علقت فوق جيد الأميرة عقدا.

أنت بيتي و منفاي.. أنت

أنت أرضي التي دمّرتني

أنت أرضي التي حوّلتني سماء..

و أنت

كل ما قيل عنك ارتجال و كذبه1

لست سمراء،

لست غزالا،

و لست الندى و النبيذ،

و لست

كوكبا طالعا من كتاب الأغاني القديمة

عندما ارتجّ صوت المغنين.. كنت

لغة الدم حين تصير الشوارع غابه

و تصير العيون زجاجا

و يصير الحنين جريمة

لا تموتي على شرفات الكآبه

كلّ لون على شفتيك احتفال

بالليالي التي انصرمت.. بالنهار الذي سوف يأتي

إجعلي رقبتي عتبات التحول،

أول سطر بسفر الجبال

الجبال التي أصبحت سلما نحو موتي !

و السيط التي احترقت فوق ظهري و ظهرك

سوف تبقى سؤال

أين سمسار كل المنابر؟

أين الذي كان.. كان يلوك حجارة قبري و قبرك

ما الذي يجعل الكلمات عرايا؟

ما الذي يجعل الريح شوكا، و فحم الليالي مرايا؟

ما الذي ينزع الجلد عني، و يثقب عظمي؟

ما الذي يجعل القلب مثل القذيفه؟

وضلوع المغنين سارية للبيارق؟

ما الذي يفرش النار تحت سرير الخليفة؟

ما الذي يجعل يجعل الشفتين صواعق؟

غير حزن المصفد حين يرى

أخته.. أمه.. حبه

لعبة بين أيدي الجنود

و بين سماسرة الخطب الحامية

فيعض القيود. و يأتي

إلى الموت.. يأتي

إلى ظل عينيك.. يأتي!

أنا آت إلى ظل عينيك آت

من كتاب الكلام المحنط فوق الشفاه المعاده

أكلت فرسي، في الطريق، جراده

مزّقت جبهتي، في الطريق، سحابه

صلبتني على الطريق ذبابة!

فاغفري لي..

كل هذا الهوان ،اغفري لي

انتمائي إلى هامش يحترق !

و اغفري لي قرابه

ربطتني بزوبعة في كؤوس الورق

و اجعليني شهيد الدفاع

عن العشب

و الحب

و السخرية

عن غبار الشوارع أو غبار الشجر

عن عيون النساء جميع النساء

و عن حركات الحجر.

و اجعليني أحب الصليب الذي لا يحب

واجعليني بريقا ضغيرا بعينيك

حين ينام اللهب 1

أنا آت إلى ظل عينيك.. آت

مثل نسر يبيعون ريش جناحه

و يبيعون نار جراحه

بقناع. و باعوا الوطن

بعصا يكسرون بها كلمات المغني

و قالوا: اذبحوا و اذبحوا..

ثم قالوا هي الحرب كر وفر

ثم فروا..

وفروا

وفروا..

و تباهوا.. تباهوا..

أوسعوهم هجاء وشتما، و أودوا بكل الوطن !

حين كانت يداي السياج، و كنت حديقه

لعبوا الترد تحت ظلال النعاس

حين كانت سياط جهنم تشرب جلدي

شربوا الخمر نخب انتصار الكراسي !..

حين مرت طوابير فرسانهم في المرايا

ساومونا على بيت شعر، و قالوا:

ألهبوا الخيل.كل السبايا

أقبلت أقبلت من خيام المنافي

كذبوا لم يكن جرحنا غير منبر

للذي باعة.. باع حطين.. باع السيوف ليبني منبر

نحو مجد الكراسي!

أنا آت إلى ظل عينيك.. آت

من غبار الأكاذيب.. آت

من قشور الأساطير آت

أنت لي.. أنت حزني و أنت الفرح

أنت جرحي و قوس قزح

أنت قيدي و حريتي

أنت طيني و أسطورتي

أنت لي.. أنت ل..ي بجراحك

كل جرح حديقة !

أنت لي.. أنت لي.. بنواحك

كل صوت حقيقه

أنت شمسي التي تنطفيء

أنت ليلي الذي يشتعل

أنت موتي ،و أنت حياتي

و سآتي إلى ظل عينيك.. آت

وردة أزهرت في شفاه الصواعق

قبلة أينعت في دخان الحرائق

فاذكريني ..إذا ما رسمت القمر

فوق وجهي ،و فوق جذوع الشجر

مثلما تذكرين المطر

و كما تذكرين الحصى و الحديقه

و اذكريني ،

كما تذكرين العناوين في فهرس الشهداء

أنا صادقّت أحذية الصبية الضعفاء

أنا قاومت كل عروش القياصرة الأقوياء

لم أبع مهرتي في مزاد الشعار المساوم

لم أذق خبز نائم

لم أساوم

لم أدق الطبول لعرس الجماجم

و أنا ضائع فيك بين المراثي و بين الملاحم

بين شمسي و بين الدم المستباح

جئت عينيك حين تجمد ظلي

و الأغاني اشتهت قائليها!..
 
حبيبـي أبـو علـي ..أنت على راسـي
لـك بابـا شنـو شيعـي شنـو سنـي ليـش منـو بينـه ممتـزوج لو مـمنـاسـب سنـي لوشيعـي لو حتـى مسيحـي ... آنـي شيعـي متـزوج سنيـه وأبنـي أسمـه مـروان وبعـائلـة مرتـي أكثـر من شخـص أسـمهـم علـي وحسيـن والـمفروض نحتقــر كـل من يكـول هـذا سنـي وهـذا شيعـي لأنـه بالتـأكيـد أنسـان تـافـه ومـو عـراقـــــــــي

ابـو مـروان
 
أكول يا جـمـاعـه أشـو صـاحبنـه شلــش هـم أختفـى هـاي صـار أكثــر مـن أسبـوع غـايـب علينـا ... تـره الشغلــه مـو راحــه لـو شـــو ؟؟

عـراقــي شكـاك
 
مودا اكلكم شلش الاصلي اختفى...
محد ديصدك....
هاي اخر مقالين مو مال شلش
هاي تقليد
....يمعود شلش وينك...
هسة دكتب فد تعليق.....
عراقي
 
الله يخليك شلش بس احجي اشبيك ترة طكت روحي يومية امسوي الانترنيت كافي خري مري ..... زين اكت على اي شي مو الا على السياسة لان هذولة ميستحقون واحد يذكرهم....
شكراً
ابن بغداد المجروحة
 
رحـمـــةأللــــه عليــــك يـا شلـــش ... قتلـــك الطغـــاة المجـرميــن كـمــا قتلــوا البسمـــه علـى شفــاه الأطفــال وقتـلوا كـل كلمـة صـادقــه وشـريفــه
 
الى شلش....نهدي هذه الاغنية...

راحوا....مابعد نلكاهم

هم النسونا....شلون ننساهم
راحوا إل غير احباب

حبهم طلع جذاب....
و راحوا.....

واحد يكول وين شلش الاصلي
 
إرسال تعليق



<< Home

This page is powered by Blogger. Isn't yours?