الأربعاء، 10 مايو 2006

رسالة من ميسون

عتب عراقي على الأنترنت
********************
أفتح الأيميل أجيكه باليوم الف مرة
أنتظر رساله منك ، بيهه أخبارك الحلوة أو المرة
دزلنة نكتة أو سالوفة، لا تكطع فرد مرة
أذا صمت عن دز الرسايل ترة الصايم يفطر بعد فترة
يا ناس أسمعوا ، شيرد أدز له ، آنه تحت أمره
فدوة سوي ريبلاي* مو ساف الكلب و خلص صبره
لا تكلي وكت ماكو ، جملتين أكتب ، هذا الآنه منتظره
دزلي رساله فارغة ، ما يخالف ، كل الكلام أختصره
ما أدري شكلك بعد ، ما أكدر أحجي ، تره لزمتني عبره
كمت أقره أي شي ، حتى أيميلات الزبل * صرت أقره
شكتبلك بعد كلي ، حتى القلم خلص حبره
بعدك تقره هال الأبيات ، أشو عندك وكت تقره
دزلي لعد بابا لا تموتني بالحصره
أدور و أنتظر ، سمعني أخبارك الحلوة أو المرة

جواب العتب
********************
أفتح التلفزيون باليوم الف مرة
انتظر ما أسمع خبر من اخبارنه المرة
شدزلك نكتة لو سالوفه لو اشلاء متطشرة
نريد نصوم عن الموت عن الذبح ما نجره
يهنيالك توه ساف كلبك توة خلص صبره
واحنه كل العمر سايف وكلمن حاير بأمره
أكو وكت وجمل حلوه والكهرباء متطورة
وكلشي كلي وكلشي احجي وما ظلت بعد عبره
واذا زبلكم ايميل احنه جثث وبنايات متدمره
لتموتك الحسرة والقلم من بوش املي حبره
كل شي يروح وكل شي يموت وينتهي امره
وتبقه عراقيتنه من شيكاغو تمر بزاخو وتوصل البصره

Comments: إرسال تعليق



<< Home

This page is powered by Blogger. Isn't yours?