الأربعاء، 12 يوليو 2006

الـحـل الـمـسـتـحـيـل !!!ـ

الـحـل الـمـسـتـحـيـل !!!ـ

Comments:
والحل يا شلش ..لقد نعبنا نحن ايضا
وين صار العراق الجميل وين راح العراق ابو الطيبة ليش ابناءه ساكتين ليش
لاتتعب خليك ويانه ترى ضاقت علينه
ابو مصطفى
 
ليكن صوتك مسموعا ياشلش يجب ان نفعل شيئا من اجل العراق
دمت ابنا عراقيا شريفا

امنة
 
شفت شلش شلون الوضع صار بالعراق ومن نحجي ويه الناس يتهمونه بالعلمانيه ويكولون علينه ملحدين ويخافون من السيد يشور بيهم وداعتك ياشلش السيد حرامي والشيخ ابو عمامه الوسخه هم حرامي اسالك وانت اسالهم كلهم من فلشتوا حسينيه المصطفى بحي اور وره ماضربته القوات الامريكيه ليش مابنيتوهه من تسالهم يكولون المقاول باك فلوس التعويض هي هاي صايره حراميه الحكيم يبوك كياعين بالنجف ويرد فدراليه والله ياشلش هم مايعرف كلشي على الفدراليه اساله على الترياك وشوف السيد وربعه شلون يتفننون بالجواب وهذوله اهل الفضل شجاهم كل واحد مربي لحيته ومكصر دشداشته ومن تسالهم يكولون احنه ندافع عن حياض العراق منين ميعرفون ويكولون وصانه الحزب الاسلامي بالدفاع على الوطن وهذا وزير الدفاع ابن الخايبه قبل ايام هدد وكال راح نقضي على الارهاب مثل ماقضوا على الشيوعيه والبارحه من هددوه بالبرلمان وكلوله نسحب الثقه منك وينكطع راتبك كال الميلشيا مو هي السبب خوب بدل هذا المغوار وكدر بس على الشيوعيين لان ذوله بيهم كفائات وبيهم من يبني البلد ومو حراميه بس انشالله شعبنه يبقبه واعي وانشالله مايبقبه لاصدر ولابطن ولاحكيم ودليمي وعمامه تبقبه بالبلد انشالله يرحون يكعدون ببيوتهم ونخلص من شرهم
 
كل حل ماكو لان اتحدى اكبر واحد يكول اني ماجيب سيرة السنه و الشيعة صار في كل دار و جيران هذا الموضوع قبل الاكل و بعده حتى اتعرفون شكد عقولنا محجره و تافه حتى اصحاب العقول النيرة صار متحيز الى طائفته من الطبيب و انت نازل
و على كوله الجواهري
مستأجرين على خراب بيوتهم و يتقاضون على الخراب أجورى
بس لا تمسح التعليق مثل المرة السابقه
خليك واقعي و شفاف
 
والله يا عمي شلش مااعرف شاكللك !!!!
كلامك ذهب وعلى راسي
بس يا اخي المشكلة من نحجي يكولون علينا انتوا العلمانيين موخوش اوادم وماتعرفون شي
والله اتمنى كلامك يصير منشورات بدل منشورات الارهابيين وجيش المهدي

اخوك علي
 
حبيبي على قول مقدى النجر
اذا انت تكتب فانا شخص اتكلم فلقد دكرت لهم ان لا فرق بين سني و شيعي و حاولت ان افهمهم ان هي الا طريق للعبادة.قالو لي مع الاسف ان سيدوجدك الرسول .اخبرتهم ان المهدي اكذوبه كذبها على الناس اهل العمايم مثل الذين يكذبون علينا الان .طوردت و لجاءت الى منطقة سنية لاحتمي من اهلي و هناك السنة كفروني لاني تكلمت بهذا الاسلوب فانظرو ايها العراقيييييييييييين بماذا اتفقتو؟اتفقتو على انني كافر و ملحد اقتلوني فانا مستعد و لكن اصحوا
اخوكم
 
الاخ شلش العراقي . اجمل التحايا العراقية واشد على يدك . بوركت ..
ماريد قوله بعد كل التعيقات التي قرأتها ان الياس هو السمة الغالبة عند العراقيين حتى للذين يحاولون ان يغلفوها بطبقة نت الامل . لنبدأ الان بطرح السؤال التالي ماهو الحل ؟ وكيف الخلاص ؟ كفانا استعراض للمشاكل ولنبدأ بأيجاد الحلول للتخلص من هكذا اشكال . كل المثقفين خارج العراق واكثر منهم داخل العراق لكن دون تأثير يذكر ( خوف التصفية ) لذلك اقترح بتواضع ان تتشكل معارضة جديدة في الخارج وتبدأ بفضح ما يحدث في العراق وانا متاكد تماما بان الكثيرين من الساسة الشرفاء في العراق امثال الالوسي وعلاوي والساري الباججي سيساندوننا . قد يكون الحل يائسا لكنه احسن من لا شئ . كل ما سنحتاجه فضائية على غرار البغدادية الجبورية او الرافدين او بغداد وكلها تعود لاشخاص معروفين .. تبث من خارج العراق وموقع على الانترنيت يروج له لاستقبال المعلومات من داخل وخارج العراق . وعندها ستكبر هذه الفكرة لتكون نواة لمقاومة جديدة .واقسم انها ستستقطب الملايين من الناقمين على الذين اوصلوا العراق الى الحرب الاهلية ..
شرفاء العراق بحاجة الى بذرة كي يلتفوا حولها واقترح ان تكون انت البذرة ., وسنكون لك ظهرا وسندا والله من وراء القصد ... سلمتم وعاش العراق ابيا موحدا .,. ولتسقط العمائم واللحى وكل ما خلفها من شعارات الفدرالية والطائفية المبطنة والمنمقة .( اسف جدا للاطالة ) .
.
 
إرسال تعليق



<< Home

This page is powered by Blogger. Isn't yours?