الاثنين، 9 أكتوبر، 2006

رمضان كريم يا اخوان

.
رمضان كريم يا اخوان
وداعتكم مشغول وما اكدر احك راسي
ارجو ان تعذروني والغايب حجته ويا
هوآاني ما اتاخر لو ما مشغول
اخوكم
شلش

Comments:
معذور ولو نحن متعلمين على كتاباتك ولكن مالعمل ننتظر ان شاء الله قريبا نجد كتابة من كتاباتك

زيد العراقي
 
ليش هوة المقال شكد ياخذ منك يا شلش
معقولة اكو احد مشغول لدرجة انه ميكدر يكتب سطرين كل شهر
 
لازم امورك صارت زينه عمي الف عافيه على الاقل خوش ولد وتستاهل
 
اولا اشكركم واني خجلان منكم وثانيا والله ما اعرف اكتب مومن كل كلبي والكتابة والله فد شي صعب علي على الاقل لان اني مو كاتب اساسا..وبعدين اشو كاعد نكتب والامور تتدهور وذولة ليخجلون ولايستحون كانما احنا نكتب للقيادة الطاجيكستانية مو لحكام بغداد
بس مع ذلك خلال يومين انشاء الله ارجع اكتب والاخ الذي يقول اموري عدلة اقول له وداعتك وانت عراقي وغالي ما كو عراقي امورة عدلة لان اغلى شي كاعد يروح من عدنا ..اموري عدلة لان عندي جكاير واكدر اشرب جاي واشوف تلفزيون
شو هاي صارت مقالة شطولها ويكول ما اكدر اكتب .. نصاب شلش متصيرله جارة..
والله اموت عليكم واموت من الخجل اذا اشعر واحد كاعد يشعر اني اتعيقل او شي من هذا القبيل ..اسمحولي ان اشكر الاخ الكبير العالم العراقي الذي يعطيني من وقته الكثير وينشر مقالاتي ..ويتابعها ..
اخيرا اريد اكلكم خبر مهم ترى شلش صايم .. والمشكلة الوحيد اني صايم من الشلة واحد مفطر ويحش بالجكاير كدامي والثاني صايم ويدخن يكول السيستاني حلل الجكاير والثالث يكول حرام الصوم والعراق محتل وهكذا .. بس شلش مقاوم بس ذاك اليوم طكت روحي دخنت جكارة وحدة ..
الله يتقبل صيامنا وصيامكم وينتقم من اعدائنا واعدائكم المعممين منهم وغير المعممين .. اشو الكعدة وياكم حلوة وما اريدها تخلص ..
خنجر شنو قصتك انت كاعدلي سجينة خاصرة مورحت لسوريا شتريد بعد مني خليتني بوجه المدفع وفلتت ..
شتكولون لو نعتبر هاي الكلمات مقالة؟
مو احسن ؟
قبلاتي الاخوية وشوقي لكم
اخوكم شلش العراقي
 
غير احبك يا شلش
بعدين هية سورية اشو صارت مثل القطاع كل الشباب بيها شناوة و صبيحة و سليمة هم جاية زيارة من استراليا
بس باقي خديجة تجي حتى تجي انت تركض وراها
تحياتي يا ورد
 
شلونك اخي شلش

عزيزي اريد اشترك بس ما اعرف شلون
 
إرسال تعليق



<< Home

This page is powered by Blogger. Isn't yours?