الأحد، 5 نوفمبر، 2006

مو هاي المشكلة

.
السلام عليكم ، قررت المحكمة اعدام صدام ، واعتقد انكم اعزائي القراء تملكون مشاعر متناقضة تجاه الحدث ، وانا مثلكم ، تنتابني مشاعر في غاية التناقض ، كانني اقف في مزبلة كبيرة ويريدون مني ان اشتم رائحة مزبلة قديمة ، لقد نسيت جرائم صدام امام بشاعات الجرائم الحيوانية التي نعيشها اليوم، انا مختنق بالموت ويريدونني ان اتذكر موت اجدادي
بصراحة اني خايف ، خايف من مستثمري الفرص وصانعي البطولات الوهمية ، فصدام اسقط بفعل امريكا ، والقي عليه القبض من قبل امريكا وحوكم تحت رعاية وحراسة ورغبة وتوقيت امريكا ، فلا المالكي هو بطل تحريرنا منه ، ولا الحكيم هو حامل لواء جيوش اسقاط نظام حكمه ، واذا اراد المالكي ان يصبح بطلا حقيقا فامامه مجرمين اخرين يمكنه محاكمتهم وارسالهم الى العدالة وهم اقرب اليه من حبل الوريد. ـ
لانريد ان يستغل اعداء الوحدة الوطنية هذه المناسبة فيقتلون اهلنا باسم الانتقام لصدام حسين وهم لايحبونه وغير اسفين عليه ، او يرقص غيرهم فرحا بالحكم عليه وهم كذابون ، لان ليس هناك شيئا حصلنا عليه منذ سقوطه سوى الموت والموت والموت ، والخوف والخوف والخوف
لا انكر ان صدام كان دكتاتورا
دلوني على واحد في المنطقة الخضراء ديمقراطيا حتى عندما يظهر في التلفزيون
لا انكران صدام كان قاسيا ومخيفا وغامضا
هل الاخوة في المنطقة الخضراء ملائكة رحمة وطيبتهم تفيض علينا رحمة وحنانا ومودة وشفقة ؟ـ
كان صدام يعين اقاربه واعضاء حزبه
الطم على راسي
كان صدام يسرق اموال الشعب
اشك اهدومي
كان صدام عميلا
اشيل روحي واركعها بالكاع
كان صدام طائفيا
لا.. هاي لازم اضحك عليها ... ـ
.
اخوان والله اني جنت اتمنى اشوف صدام يحاكم امام الشعب . ـ
بس جنت اتمنى ان اشوفه يتحاكم فيما البناء يتصاعد والحرية تنتشر والفرح يعم الشوارع والعراقي يسهر حتى الصباح على ضفاف دجلة ، مدراسنا تنافس مدارس اليابان ، وشوارعنا انظف من ماعون القيمر ، وثروتنا مبينة بوجوهنا ، واخوانا المشردين تحت نجوم الله راجعين عد اهلهم واحبابهم ، والدنيا فرح بفرح بفرح
مدارسنا تعالوا شوفوها خرائب وحظائر حيوانات، وشوارعنا رغم ان التجول فيها ممنوع بس ما اعرف منو باليل كاعد يبول بيها ، واهلنا متهجولين قسم بالدول الفقيرة وقسم بالخيم المهترئة يكسرون الخاطر ،المجادية زادوا بالشوارع والفقر عشعش بالبيوت المخربة ، والكأبة والمرض والجفاف والرعب وانا في هذه الوحشة حيث سافر الاصدقاء والاقرباء وبقيت وحيدا فريدا ، ياتيني زعطوط لايعرف كتابة اسمه ويصرخ بي ولك شلش اشو انت مو فرحان يالله كوم اطلع بالمظاهرة
يابه والله فرحان وسعيد بس اخاف اطلع ويحسدوني على حالي ،ـ
لقد خرجنا من ليل صدام بس وكعنا بالبير ... شوكت راح نطلع ..ـ
.
مشكلتنا ليست صدام ولابرزان ولا طه ياسين رمضان، مشكلتنا منو اليوم راح يجرجروا بالليل من بين اطفاله واهله ونلكاه باجر الصبح جثة بلا رأس ... انشاءالله مو اني ولا انت عزيزي القاريء ... انشالله الطائفيين نارهم تاكل حطبهم

Comments:
وِلْ هِلْ یه مآدِرْ فآکِرزْ.!
 
كلنة نريد نشك هدومنة لان الى اجوى مو احسن من الى راح ودا يحجون عليه بس قتل وكطع روس ورمى بالزباله ونهب فلوس وميدرون بالشعب شلون حاله كله يريد يهج من البلد ويعيش بالذل خارج بلده مو حرام عليهم خلى يرجعو يصفى الدنيه لان بس هو يعرف العله وين ويكدر يسيطر عمى الف رحمه على زمانه من شفنه هل الزمان الطايح حظة والله كمنه نحسد البزونة صدك والسلام عليكم
 
العزيز شلش

عشت وعاش كلامك كلنا اليوم لا يشعر بالسعاده مما حدث في المحكمة لاننا نعرف ان الجرائم الحديثة التي صارت وتصير كل يوم في عراقنا الحبيب اكثر بكثير من جرائم صدام وهذا الذي جعلنا نهرب من بلدنا ونبكي عليه كل يوم.
 
مع كل موت وموت وموت , العراق بخير ...

تحياتي شلش !!!
 
مع كل موت وموت وموت , العراق بخير ...

تحياتي شلش !!!
 
والله يا شلش حجيك كلة صح والمصيبة انه هسة رح تشتعل بغداد من ورة هالشغلة ووبدال من نفكر شلون نهدي الوضع حتى نرجع لبيوتنا هسة رح تعلك وهي جانت عايزة والتمت
 
انت على راسي احطك شلش , وطني و ابن العراق.

تحياتي
بسام
 
When I hear the news I think Iraq is collapsing but then I read for people like Mr. Al-Iraqi and I become optimistic again. God bless all Iraqis EXCEPT the Sunni, the Shiite, the Christians, the Kurds and anybody claims himself to be other than Iraqi.

Keep up the good work Mr. Al-Iraqi. We need people like you.
 
والله شلش اتمنى انت اتصير رئيس الجمهورية بس مو اتعين كرايبك وتبوك اموال الشعب وتظلم خوش
 
يا اخ شلش مح احترامي لرئيك لكن اراك قد تجاهلت الاف من عوائل الشهداء وقد تجاهلت الملايين من المساجين الذين ابتهجو بالحكم وتاكد بأن كل من اذا الشعب وبدد ثرواته سياتي يوم ويجلف في مكان صدام



عبد الغفار
 
والله شوف دا ككلك يا شلوشي إنته وإبن خدوري أبو الجاي

اليوم ماكو عراقي شريف عنده ادنى شك في عظمة الحدث وهو الحكم على الطاغية وتجريمه وتجريم كل من وككف ويا

فكافي تتفلسف علينه وتشمر صدام على القرون الوسطى من التاريخ مو ذاك اليوم جان راكب البلد وبعدهم اليتامى مال صدام مسؤولين عن 95 بالمئة من الموت والدمار اليوم

خلف الله على بوش والأمريكان اللي نجونا من هل المحنة وأما سالفة الزرقاووين وبقايا البعث فهاي هم محلوله يا معود وإتشوف ودعتك

كاكة عبد الزهرة التكريتي
 
كم هو جميل اسلوبك بالكتابة واتمنى عليك ان تحاول ان تونشيء لنا منتدى جميل يحوي كتاباتك ويتمكن القراء من التواصل معك0
هذا اذا كان ماكو مانع امني لان هاليام صار ممنوع احد يحجي الا اذا مدح الجماعه وصارة مودة غلق الفضائيات مو صحيح شلش؟
 
هاي شلش شلونك عاشت ايدك على هلتعبير المحترم ونتمنى عليك تسويلنا منتدى هيج نتواصل وياك بي0
هذا اذا مكان اكو مانع امني لان هاليومين مودة تكميم الافواه الا الي تمدح الجماعة!
ها شكلت بخصوص المنتدى
 
هاي شلش شلونك عاشت ايدك على هلتعبير المحترم ونتمنى عليك تسويلنا منتدى هيج نتواصل وياك بي0
هذا اذا مكان اكو مانع امني لان هاليومين مودة تكميم الافواه الا الي تمدح الجماعة!
ها شكلت بخصوص المنتدى
 
هاي شلش شلونك عاشت ايدك على هلتعبير المحترم ونتمنى عليك تسويلنا منتدى هيج نتواصل وياك بي0
هذا اذا مكان اكو مانع امني لان هاليومين مودة تكميم الافواه الا الي تمدح الجماعة!
ها شكلت بخصوص المنتدى
 

تحياتي الأخوية إلى شلش.

دمت ذخراً.

كتاباتك كلاص مي بارد بنص القيظ. يعني مثل واحد تجيه نسمة عليل وهو كاعد بعز الصيف بلا مبردة ولا بنكة ولا كهرباء ولا شي... أتحفنا بها، على عناد الطائفيين (من الجانبين).

يجب إعلان المذهب الشلشي مذهب العراق الرسمي، يعني مذهب اللامذهب، بس الانتماء لها الوطن هو المهم. وكل واحد يصلي على كيفه، مثل ما يريد، بالجامع، بالحسينية، بالكنيسة... بس لا الكنيس. لا، كلها إلا هاي.

سعدي كرادي (من الكرادة الشرقية)

 
كلنا نحس ان الفرحة منقوصة لاعدام صدام في الضروف الي العراق يمر بيها بس شنكول على الاقل اجا يومك يا ظالم و مثل ما اجا يوم صدام الي محد كان يتوقع انه حيعيش الى ان يشوفه لازم يجي يوم كل ظالم فخلي على الاقل نفرح هسه بيوم اولهم... و تحياتي
 
Wonderful commentary Shalash. This is not what Iraq needs now and thought Saddam was a dictator and many other things, he was not a sectarian leader.
 
( انشاء الله الطائفيين نارهم تاكل حطبهم)
اااااامين
 
Why is it that whenever we talk about the atrocities and crimes of Saddam and his filthy Abbath party, that we always find a miserable soul who would want to grant them reprieve because Iraq has fallen into a new quack mire? And isn't the lamentable situation of today partly their doing too?
 
عيني شلش
لماذا نقارن الاشياء التي تجري في الان اي بعد سقوط الطاغية و تنتناسا ما اصابنا جميعا من جراء الحكم الجائر ايام الهددام الذي لم يرى التاريخ مثيل له . يجب علينا ان نتذكر الايام القاسية التي عشنا تحت وطئتها35 عاما تمنيتا فيها الخلاص لحضة لحضة و لايخفى عليك و انت سيد العارفين وحسب ما قراءت و سمعت عنك كنت من المتضررين اسوة باهل العراق اليهود لم ينسوا المحرقة لحد الان و انت تقارن اعمال نزلاء المنطقة الخضراء وتقلل من اجرام صدام بطريقة غير مباشره حيث تريد ان تبعدنا عن ذلك العصر البغيض
وتوحة نقدك للجماعة ، والحماعة ترة ما يستاهلون واحد يجيب اسمهم . عمي ارجوك ارجوك وان تصب جميع مافي قواك لهتك الغوغائين و الصدامين و الارهابين و لاتنسى ايام صدام انها ايام لا تنسى و الايتام و الثكالى شهود على ذلك لا اريد المزايدة انا لي اسوة بالعراقين الباقين لفيف من الشهداء في المقابر الجماعية و دهاليز سجون صدام فمهلا بنا نحن نحن الى يوم نرجع فية حقوقنا والله شاهد على ماقول . الرجاء ان لاتنسى شهداناو لاتقارن المجرم " صدام " باي انسان اخر لان صدام لايقارن به انه حثالة التاريخ و السلام عليكم رحم الله والديك
 
والله يا شلش لو بس اعرف العالم ليش عافت كل مشاكلها و جلبت بالحكم مال اعدام صدام عبالك انحل كلشي ادري هسة احنا بيا حال اني شنو علاقتي اذا صدام انعدم لو راح يصيف بجزر الكناري غير اول شي احل المشاكل الجبيرة و المشكلة انه العالم داخو لان العراقيين انقسمو بالنص نص يايد الحكم و فرحان و النص الثاني معترض مو لان يحب صدام بس عناد ليش الحكيم و ربعة يحاكمون صدام هسة صحيح الجماعة انكس من صدام بمليون مرة بس هوة منو صدام حتى ننقهر عليه هيجي متكولي اشو مبقى شي مسواه بينا ولو اني شخصيا اتمنى يرجع ذاك الوكت بس لانه سيء احسن من اسوا عالعموم شلش انت حجيت كل هذا الحجي بالوكت اللي ايست اشوف عراقي يفكر بدماغة
اني اسف على اخر حجاية بس هاي الحقيقة مع الاسف
اخوك خنجر
 
الاخ شلش المحترم
لـــو كان الشعب على قدر المسؤلية التي
وقعت على عاتقه لما كنا في هذه الحال التي لا نحسد عليها وهم الذين اعطو المجال
لعواء الكلاب ممن يسكن بالجوار وبدون استثناء......وسوف نكون ذلك الشعب الذي اعطى ظهره للسابق والذي بدوره
جعلنا خراف الارض.......مع الاسف.
لو كل واحد منا رفع لواء الحق بوجه الباطل لكان سيل الدماء اقل بكثير وكنا بأحسن حال.
مع الشكر والتقدير.
 
اي والله الله يبرد كلبك مثل ما بردت كلبنا بهالكتابة بس علي يفتهم موبس يقرا
 
اذا انت موطائفي منو الطائفي لعد ؟ مادام العراق بيه امثالك فأكيد الليل مليان بالبول واعتقد ماكو احد راح تخفى عليه ريحة بول منو هذه
 
يعجبني ان اقرأ كتاباتك يا شلش .. ولكنك تمس الحقيقة مسا وتذهب بعيدا عن اصل المشكلة
المشكلة ان العراقيين هم من وضع هذه القاذورات في السلطة وقالوا لهم اقتلوناواسرقونا فالذنب ذنب من يضع ثقته في مجرم
ثانيا هؤلاء العمائم الذي تحكي عنهم هم احفاد الماساة الازلية منذ ظهور الاحمق الاول محمد والعشرة المبشرة بالجنة والذين قتلوا بعضهم البعض وعملوا بحورا من الدماء على مذبح مطامعهم في السلطة ومال السفاح كالجزية والغنائم والسبايا ..
انت تمس الحقيقة مسا لربما انت مصدق او مغض للنظر
لا يهم المهم ان نرى لسانك السليط عليهم وانا اوظفه باتجاه الاحمق الاول ملهم الجريمة المنظمة والقتل الحلال
 
إرسال تعليق



<< Home

This page is powered by Blogger. Isn't yours?