الاثنين، 5 يناير 2009

وين شلش؟؟

.
وصلنا عبر الإيميل - 5 كانون الأول 2009
.
الى الدكتور عماد المحترم

السلام عليكم ورحمه الله وبركاته
بعد التحية والسلام
أولا احب ان احييك على الموقع الرائع والي اعتبره المتنفس الوحيد للعراقيين
والي ما شاء الله بكل العالم طاكتهم الحصرة والقهر حتى لو تشوفة مرتاح وضارب الدبل مثل ما نكول
هم من تحجيلة على العراق يتذكر شوارعة وازقته وهوه الشته البارد الي هنا بالخليج مانشمة
ولا ريحة الحشيش من يوكع عليه المطر يصير بي فد عطر ما ينوصف هذا بس بحدايقنه جنه نشمة
حدايقنه اخ على حدايقنه صارت من الامور الاسطورية والخيال العلمي هنا لان كلها شقق
وين تشوف سمه؟ وين تشوف زرع؟ وين تشوفلك صونده ترشرش الزرع بيه وكل شوية خال الصونده يم حلكك وتشرب مي دجلة البارد
تصدك احنه ما جان نظام التحلية والفلترة جدا بسيط لان دجلة هو خالي من الشوائب وصافي ومن ربك عبالك من الثلاجة جايلك
اه والله قهر صارت سوالف
المهم اشكرك جزيل الشكر على كتابات شلش والحقيقة اني محتار وما افتهمت شنو الموضوع الي صار بالقريب
هل شلش بخير ؟؟ ووين جان هل جان مسافر ؟؟؟ او لا سامح الله صاير بي شي ؟؟
وشنو الي منتحل شخصيته
ارجو ان توضحلنياها بالموقع اذا تحب لان انلاصت، اكو واحد عنوانه جي ميل وواحد هوت ميل
ما اعرف منو الاصلي ومنو الي مبي فسفورة ؟ هههههههههه
وتحياتي الك ولكل عراقي شريف
اخوك ياسر البدري

أخي ياسر
بعد التحية
الحمد لله فإن شلش العراقي (ذو الهوت ميل) بخير بس مسافر الى دولة مجاورة، وإنشالله يرجع ويطفي غليل العطشانين الى كتاباته.ـ
أما "شلش" (ذو الجي ميل)، فلقد ثبت لنا بأنه إستغل الغياب الطويل لشلش العراقي وبدأ (قبل حوالي الشهرين) بنشر مقالة تفسّر غيابه، وإستبشرنا بها في بادئ الأمر.ـ
إلا ان الشكوك حول مصداقيته بدأت تراودني (وأصدقاء لي) منذ المقال التالي له بسبب نشازها وردائتها مقارنة بإسلوب شلش العراقي المتميز في الكتابة، مما دعانا الى مفاتحته ليثبت إدعائه، وصدف أن إتصل ينا شلش العراقي في نفس الوقت وإتضح لنا إنتحال شلش الجي ميل شهرة شلش العراقي.ـ
ولقد أطلقت على شلش الجي ميل إسم تشليش - على وزن تشويش -، وبعد التحري عن إيميله تبين لنا بأنه المدعو ح. الـ ح. وله مقالات شبيه بمقالاته بصفته المنتحلة لشلش.ـ
لقد وعد شلش العراقي بالعودة الى الكتابة بعد إنقشاع غيمته.ـ
مع التقدير
أخوك
عماد خدوري

Comments: إرسال تعليق



<< Home

This page is powered by Blogger. Isn't yours?