الخميس، 12 نوفمبر، 2009

العربنجي .. والفهيم تكفيه الإشارة

قامت السفارة الامريكية في بغداد بتوزيع صور واخبار نشاطات الرئيس الاميركي اوباما لدى زيارته الخاطفة السرية للعراق المحتل، ومنها لقاءاته بـ"قادة العراق".ـ
وتبين ان الرئيس الامريكي اوباما استدعى ضخامة الرئيس طالباني ونوابه وطولة رئيس الوزراء المالكي وسعارة رئيس الاقليم. استدعاء كما يستدعي اي مدير موظفيه العاملين تحت ادارته.ـ
وقد حضروا جميعا في آن واحد الى قصر الفاو، وهو احد قصور الضيافة الرئاسية في بغداد، وهناك رتبت القيادة الامريكية في العراق لقاء لاوباما مع جنوده اولا، فهؤلاء لهم الاولوية والارجحية في الاهتمامات الاميركية من جوقة موظفين محليين.ـ
وانتظرافراد الجوقة، او ما يطلق عليهم "قادة" العراق، جميعا في استعلامات المجمع الى ان انتهى لقاء اوباما مع جنوده.ـ
وبدأت اللقاءات كالاتي:ـ
استدعى اوباما المالكي، فحضر وهذه صورة اللقاء:ـ


بعد ذلك استدعى الرئيس اوباما "الرئيس" طالباني و(مجلس الرئاسة) عبد المهدي والهاشمي واجلسهم قربه وصورت السفارة لهم مع الرئيس اوباما


ثم استدعى مسعود برزاني لرئيس السلطة الكردية الانفصالية في شمال العراق، وايضا التقطوا له صورا تذكارية


وهذه الصور وزعتها السفارة الامريكية، وتظهر المكان نفسه الذي تمت فيه اللقاءات، وتبين ان اوباما جالس في مكان واحد ثم يدخل " القادة" الحاليون في العراق الواحد بعد الاخر

ويقولون انها دولة وذات سيادة

شفتوا العربنجي بالصورة على الحائط، والذي على اليسار بالصور؟؟

Comments:
اشو هو هذه اوباما من اول ما اجة والناس كلها تركصلة وشنو النتيجة منه مادري.

زين هسه شفهمهم لهذولة المخلوقات اللي بالحكم اللي لو همه صدك حكومة جان طبوا مرة وحدة علية وطلعوا مو الشمال مقسوم دولتين وكل واحد يطب وحد والمالكي وحد يعني لاحظ فكرة التقسيم الى ثلاث دول موجوة فعلا على ارض الواقع.

مع الاعتذار للعربنجي اللي بالصورة فهو افضل واذكى حتى ان الحصونة اللي عند العربنجي هم احسن من هاي الحكومة على الاقل يدرون من نين جايين ويدرون وين رايحين.

هسه مكتلي تكدر تشلشلي الحكومة شلش شلش؟

البرجوازي العراقي
 
يمعود شلش على كيفك شنو انته دايما ضد العمليه السياسيه والشفافيه ورحم المعاناة
وضد مشروع البصره الكبير وضد مطار باب المعظم جاموباب المعظم سوو بي مطار ها هاي هم انته ضدها ماتعرف منين خطه ها خطه من المكبره مالت الانكريز ويمر على مكبرة الاتراك هاي اليم الطب العدلي ويجيور يصعد جسر الحديد اووووو انه كلت مطار اي اي التياره تجيور ومناك كبل لمكبرة المنطكه هناك يكولون ترانزيت حتى لايزعل الامام جلال الزغير اي اكو فرغ بينه وبين جلال الرئيس جلال الزغير ممروص مابي لحم هذا الله ومعاف يشفطون بدهونه ويردون ليورى متعافي من فلوس العراق الجديد ومن اسياسيل وماادري بعد منين

شلش شفت شلون انه مواكب التطور كله مطارات العراق كله مطارات على عناد اليحسدون بس اكو مشكله تيارات ماكو
امممممممممممم من هاي اوباما مخلي وراه ربل وعربنجي بناي يكل لهذول الطبو عليه بالسرا شوفو مصيركم مئالكم للربل وبخيت اليلكاله مطي يسحب ربله ههههههههههههههههههههههاي لبالك بس انته تحلل ستراتيجي وتملخ انه هم احلل شلش
 
قوائم علاوي وبولاني سنية بعثية. قوائم الحكيم و المالكي ايرانية نشالة. والعراق في حاجة الى تغيير
 
إرسال تعليق



<< Home

This page is powered by Blogger. Isn't yours?