السبت، 29 مايو، 2010

حكام العراق الجُدد - كما يراهم الامام علي



الجمعة، 28 مايو، 2010

محضر إجتماع مجلس الـ(د)(ن)واب


بعد السلامات والله بالخيرات
مندوب المجلس: اخوان، منو يريد يبدي بالكلام ؟
مندوب الدعوه: احنه الكتله الاكبر، واحنه نبدي
مندوبة العراقيه: وين اكبر ؟ لازم الاخ ما يعرف يقره ويكتب
الكتله الكورديه: يواش، خلي نفتهم
مندوب الصدريين: المالكي خط احمر
الدعوه: ليش تنبص ؟ يجي دورك واحجي
الصدري: شنو معناة تنبص؟ جنهه شتومه
المجلس: لا يمعود، يقصد لا تقاطع
الصدري: اقاطع شوكت ما اريد، والميعجبه يطخ راسه بالحايط
العراقيه: اووووي، هاي شنو؟ خلي اقره مجله احسن
الجعفري: اخوان، مو وكتهه! المواطن يطالب بالاحتكام للمضامين والسياقات المشموله بالفقرات المنضويه تحت البناء الفسيفسائي بعد التشرب بروح الاستزادة من القيمة الاخلاقية لغازات الامعاء!!ـ
واحد يشاور البصفّه: هذا شبي؟ ماكل شي واكف على گلبه؟ـ
البصفّه: يمعود، تعال تحمل هيج خريط يوغف عل الگلب
الكورديه: منو يكدر يترجملي شكال الجعفري وانطيه كركوك
عادل زويه: اني عندي مسأله مهمة. ياجماعه، تره الدنيه موت حر بره، بلكي تنصون التبريد شويه، تره نروح ننشل من نطلع بره
واحد ماخذ غفوه وفز: ما صار العشة؟ لو السيد راح يعلسه علينه
الصدري: المالكي خط احمر. وكلا، كلا، امريكا!! لأن اكو عملاء تغثهم هاي الهتافات
الدعوه: ألمن تقصد؟ ولك ابو الفرارات! صرت تامر وتنهه؟ سبحان الخلاك تلبس بنطرون
الصدري: على اساس انته جنت دختور، كلك خلك رادود
العراقيه: لا عيني، هذا يقصدني اني، بس ما راح ارد عليه وهوه لابس الدشداشه وحاطهه بالبنطرون على اساس قميص
المجلس: تالي شلون؟ اتفقوا على مصيبة نسويه رئيس وزراء. مو دخنه
العراقيه: علاوي! علاوي علاوي! ونسويهه ظلمه اذا ما صار
الصدري: المالكي خط احمر
الدعوه: لو ما ماخذ حباية ضغط چان چفصت بمصارينه
الجعفري: الموضوع يحتاج الى استذكار لحالة الصيروره عند استلهام روحي الخماش
واحد مغثوث: يابه ما تاكل .....ـ
عادل زويه: هذا المي بارد كلش، بلاعيمي راح تلتهب، جيبولي چاي، بس مو مال الحصة، اعرفه للسيد لازم يخمس وياخذ من الحافي نعال
السيد: سووله نعال، اقصد چاي
المندوب الايراني: خلي يشوف الشعب الايراني ويبوس ايده وجه وگفه على احمدي نجاد
المندوب الامريكي: اشتعل ابو ابوك بوش على هل الورطة!ـ


This page is powered by Blogger. Isn't yours?