الخميس، 24 فبراير، 2011

يا بووا - شلش صار على (وجه الكتاب) الفيس بوك ... و "علي بابا والاربعين برج"ـ


ـ"اخوان، عندي طلب بسيط، وأعرف مَتقصّرون!ـ
باجر ورا المظاهرات، محتاج كم واحد منكم يجون وياي للمنطقة الخضراء.ـ
خطية الحكومة مضيعين أربعين مليار دولار، اي والله البارحة سمعت اسامة النجيفي يكول عدنا اربعين مليار دولار امريكي مصيرها مجهول وكاعد اندوّر عليها!ـ
فتعالوا وياي نساعد الحكومة، وبلكي نلكاها! حرام ترى هاي فلوس مال ايتام، اي والله، مال ايتام وارامل ومساكين ومُهجرين ومُهاجرين، بس الحكومة ضيعتها! حكومة ثولة، كل ما نحط ابيدهم شي يضيعوا، إنطيناهم أصواتنا ضيعوها، إنطيناهم ثقتنا ضيعوها، إنطيناهم العراق ضيّعوا. متكلي بعد شننطيهم؟ شبيكم؟ ثولان خو مو ثولان؟ اكو واحد يضيّع اربعين مليار دولار؟ صح، هو مبلغ بسيط و تافه ولا يساوي غير ميزانية اربع دول مجتمعة هي سوريا والاردن واليمن والبحرين! نمونة، قحط، مشايفين؟ هي اربعين مليار!"ـ

علي بابا والاربعين برج

ـ24 شباط 2011


Comments:
هذا الي اعترف بي اسامة النجيفي وما خفية كان اعظم واكثر بكثير
 
راحلكم شهيد صدام لي كان ابو القفراء او العراقيين كان هدفو بناء العراق رمز الاسلام الان العرا اصبح كل دول مجتمع عليه و العراق الان هو مثل القصعة لتي تتهافت الامم من اجل ان تاكلها من قلبي احبك يا عراق لو لم اكن انا جزائري لتمنيت ان اكون عراقي نعم العراق رمز العروبة رمز الاسلام اكثر من سعوديين المتعفنين
 
حلوة هاي مال صدام ابو الفقراء، يمكن لان بوقته چان كل الشعب فقير، يعني حتى بالأخلاق صرنه فقراء. هسه يگولون انا رافضي وعميل لأيران. كأنه صرنه فقراء حتى بالزلم عدنة بس زلمتين صدام والمالكي.
 
إرسال تعليق



<< Home

This page is powered by Blogger. Isn't yours?