الخميس، 10 مارس 2011

كاكا جلال وين جنت؟ـ


ـ"راساً كلبت علينا، وكمت تصيح كركوك قدس الاكراد، وعينكاوة فاتيكان الاكراد، وكويسنجق حائط المبكى، وبيره مكرون جبل الهيكل، والمنطقة الخضراء ثالث الحرمين.ـ

هاي شنو أبو قباد (اسم المحروس ابن السيد الرئيس ) ،،، انت مو رئيسنا وحامي دستورنا والساهر على وحدة العراق؟ـ
شنو تعالوا ياتركمان، احنا وياكم نضرب العرب جلاق ونطلعهم برة كركوك؟ وين يرحون؟ لداقوق لو قادر كرم؟ـ

عيب كاكا، هذا الكلام عيب ومو مال رئيس دولة؟ بس هي يا دولة؟ لو اكو دولة، جان كلنا ميخالف. لو اكو دولة وبيها رجال، رجال من صدك، جان كلولك ذب العوجية واطلع برّة! يالله روح لدوكان،، بس حشى من يسمع مجموعة خرنكعية.ـ

كركوك، يا كاكا، قدس الاكراد والتركمان والعرب. كركوك ليست مزبلة لمشاكل احزابكم الداخلية. كل متتضايقون، تفتحون باب الجحيم على كركوك. كركوك مدينة للتعايش والاخاء والمحبة، للاكراد والتركمان والعرب والآثوريين ولجميع العراقيين.ـ"

كاكا جلال وين جنت

ـ10 آذار 2011



Comments:
ورد في الزمخشري ان المفرده (تيس)ليست فحل الماعز ،وأنما التيس من الشبع والتخمه
ولأن التيس مصنف من اسلحة الدمار الشامل فعباد الله يحرصون على التأني في الجلوس لئلا يحصل مالايحمدعقباه فينهد التيس على غير موعد كارثه كارثه
كركوك قدس كردستان تيس كردي وين مايكعد يهده وهنا افة الموضوع الشبع لاحول ولاقوة الابالله
 
إرسال تعليق



<< Home

This page is powered by Blogger. Isn't yours?