الجمعة، 1 أبريل 2011

كذبة نيسان 2011


ـ"احنا مصدكَين، مصدكَين بكل شي، لو ما مصدكين ما إنتخبناكم! شنو إحنا مجانين ننتخب كذابين؟ حشاكم من الكذب!ـ


لا عيني، والله مصدكين، والشعب من يكول: كذّاب نوري المالكي كذّاب، أصلاً الشعب هو أكبر كذاب.ـ ليش هو منو إنتخب نوري المالكي؟ منو إنتخب خالد العطية؟ منو إنتخب حسن السنيد؟ منو إنتخب علي الدباغ؟ منو إنتخب أياد علاوي؟ منو إنتخب الملايات البحرينيات؟ مو الشعب نفسه؟ـ


الشعب هو ابو المشاكل!ـ


منو دمّرنا غير الشعب؟ شعب يصدًك كلشي، حتى اذا اجاهم واحد ياباني وكَلهم اني موسوي، يكَولوله دخيل جدك ابو الجوادين، اللهم صلي على محمد وآل محمد، والله عرفناك مولانا. ماشا الله! حتى اللاب توب مالك اسود. واذا اجاهم واحد بلجيكي ابن بلجيكي وكلهم اني من اهل العمارة، رأسا يصدكَون. اي نعرفك! بيتكم بالمجر يم الفرن. انت مو رجل زهرة بت عليوي وخالتك بدرية؟ تفضل استريح ابو مطشر."ـ


كذبة نيسان


ـ1 نيسان 2011


Comments:
عاشت ايدك عمو عماد الورد
ابنك علي
 
ما شاء الله عليك
كلمات في الصميم، بس جيب اللي يفتهم ويحس بيها من اصحاب العلاقة

متابعة
 
إرسال تعليق



<< Home

This page is powered by Blogger. Isn't yours?