الأحد، 13 مارس، 2011

الشعب يريد اسقاط الدولاب

ـ"هرعت بصحبة الحسناء فتنة ابنة عمي شناوة، والملقبة بالليدي غاغا، كما هرع المئات من عوائل العراقيين الى حديقة الزوراء، لمشاهدة الديناصور الايطالي الجديد، والذي دشنه السيد امين بغداد وقال عنه : هذا ثاني اكبر دولاب هواء في الشرق الاوسط، وبلغت تكلفته 6 مليون دولار.ـ

وحال وصولنا مكان الحدث، صدمنا جميعا حين وجدنا الحكومة قد سبقتنا الى المكان، واحتلت مقصورات الدولاب جميعها، فيما وقف اعضاء مجلس النواب وبعض من رجال الدين في طابور طويل بانتظار دورهم للصعود، والدولاب يدور بهم مرة واثنين وثلاثة وعشرة والحكومة مستمتعة ولا تبدوا على وجوههم الكريمة أية رغبة بالنزول.ـ

المالكي والى جانبه حسن السنيد وعلي الاديب وخلفهم الخزاعي والمطلك والدباغ ، ثم باقي أركان الحكومة، فرحين بما آتاهم الله من نعمة، وكلما ارتفعت بهم دورات الدولاب اطلقوا في الهواء اصوات الابتهاج والفرح هييييييييييييه، فيرد عليهم الناس وجعيييييييييييييه! ـ

السيد صاب صابر العيساوي، صاحب المشروع، وقف تحت سلم الصعود محييا أعمامه الوزراء، مشجعا اياهم على مواصلة اللهو واللعب، وابتسامة عملاقة تنبلج من برطميه، وقفت الناس مذهولة وحائرة ومكفهرة من استحواذ الحكومة على كل شيء، ومن ناحيتي انا تقطعت الماً وحسرة حين ضاعت امنيتي بسرقة قبلة غرامية سريعة في اعلى الدولاب، بعيدا عن انظار كامل الزيدي.ـ

استجمعت شجاعتي، وبتأييد من فتنة بعض المحبين، هتفت وسط الجماهيرالمستاءة قائلا :ـ

دولابك يا صابر خوش دولاب
يسوى الحكومة ومجلس النواب
وجذاب نوري المالكي جذاب
ها إخوتي ها.. ها .. دولاب يدولب راعيها
...."ـ
الشعب يريد اسقاط الدولاب

ـ13 آذار 2011


السبت، 12 مارس، 2011

وفاة "أبو نعال" .. ألف رحمة على روحه ـ

ـ"عُرف الرجل بشخصيته الفكاهية الطريفة الناقدة الساخرة وقد نقلت انتقداته وتصرفاته بعد تصويرها من أبناء بلدته بكاميرات الهواتف النقالة، على مواقع التواصل الاجتماعي في شبكة الانترنت وعلى موقع اليوتيوب.ـ
وبسبب فكاهته ودعابته تعرض للكثير من المضايقات والضرب ورميه بالحجارة من قبل الشباب والصبية في مدينته.ـ
ورغم بساطة الرجل فان نقده للعديد من الظواهر السلبية في المجتمع العراقي جعل منه إيقونة بارزة ورمز للكثير من الشباب المثقف في محاربة الفساد على الانترنت ، حتى ان مواقع الكترونية عراقية بارزة استوحت شخصيته في إنشاء شخصية كارتونية مشابهة له.ـ
أهالي سوق الشيوخ تفاجؤوا بخبر رحيل الرجل لأنه كان جزء جميل من حياتهم اليومية على حد وصف الكثير منهم."ـ

سوق الشيوخ: وفاة ( أبو أنعام ) الشخصية الفكاهية الساخرة المعروفة على الانترنت

ـ13 آذار 2011

ابو نعال مصاب في مستشفى الناصريه


الخميس، 10 مارس، 2011

كاكا جلال وين جنت؟ـ


ـ"راساً كلبت علينا، وكمت تصيح كركوك قدس الاكراد، وعينكاوة فاتيكان الاكراد، وكويسنجق حائط المبكى، وبيره مكرون جبل الهيكل، والمنطقة الخضراء ثالث الحرمين.ـ

هاي شنو أبو قباد (اسم المحروس ابن السيد الرئيس ) ،،، انت مو رئيسنا وحامي دستورنا والساهر على وحدة العراق؟ـ
شنو تعالوا ياتركمان، احنا وياكم نضرب العرب جلاق ونطلعهم برة كركوك؟ وين يرحون؟ لداقوق لو قادر كرم؟ـ

عيب كاكا، هذا الكلام عيب ومو مال رئيس دولة؟ بس هي يا دولة؟ لو اكو دولة، جان كلنا ميخالف. لو اكو دولة وبيها رجال، رجال من صدك، جان كلولك ذب العوجية واطلع برّة! يالله روح لدوكان،، بس حشى من يسمع مجموعة خرنكعية.ـ

كركوك، يا كاكا، قدس الاكراد والتركمان والعرب. كركوك ليست مزبلة لمشاكل احزابكم الداخلية. كل متتضايقون، تفتحون باب الجحيم على كركوك. كركوك مدينة للتعايش والاخاء والمحبة، للاكراد والتركمان والعرب والآثوريين ولجميع العراقيين.ـ"

كاكا جلال وين جنت

ـ10 آذار 2011



الثلاثاء، 8 مارس، 2011

نادم ... على القشمرة

.
ـ"في السابع من اذار الماضي، كعدت من غبشة الله، بدون ما امشط واتريك، رحت اركض مثل المجنون للمركز الانتخابي، فرحان لوثت ايدي بحبر بنفسجي، ومن كل عقلي كلت راح يتغير الوضع، طلعت مضروب اكبر بوري.ـ
قشمرتوني، اي والله قشمرتوني، وهاي مو أول مرة ينضحك علي، قشمرتوني لان كلبي طيب وعلى نياتي، قشمرتوني لان جنت خايف من الارهاب، خايف من ميلشيات الله ومن حزب الله ومن ضيم الله, فشمرتوني لان حطيتوا الله ومحمد وعلي والحسن والحسين والعباس والزهرة وام البنين بيناتنا، قشمرتوني لان رفعتوا شعار دولة القانون، قشمرتوني باسم البناء والاعمار والخدمات والصحة والتعليم والمترو وجنرال الكتريك وسيمنس وماي ومجاري وتبليط وحدايق ومدارس وعشرة في عشرة.ـ
تقشمرت من شفت العمايم السودة والبيضة تتزاحم على قنوات التلفزيون، تقشمرت بالعكل والغتر واليشاميغ، تقشمرت بالقوط والربطات، تقشمرت بالملايات وعباياتهن وجفوف إيدهن.ـ
قشمروني بالمحابس والسبح واللحى الشرعية، قشمروني بالطكعة السودة على كصتهم، وكلت هاي سيماهم على وجوههم من اثر السجود, قشمروني باسم المظلومية ورفع الحيف وانهاء المعادلة الظالمة، قشمروني ان المراجع العظام وياهم, والمراجع نواب الامام المهدي والامام المهدي صاحب الزمان، قشمروني، حياتك راح تصير جنة، وبغداد راح تصير طوكيو. "ـ

يوم ندم ملطّخ بالسواد

ـ7 آذار 2011

نادمون


الخميس، 3 مارس، 2011

اجتماع طاريء لبيت حجي رحيمة - كعدة عائلية


ـ"نهض خنجر، وبعينين غائرتين حمّلق في وجوهنا. شكر مكتب السيد القائد وقال: "بصفتي زوج اخت مدرس متقاعد، أدين وإستنكر ما قاله علي الابراهيمي من كلام بذيء على المدرسين والمعلمين، فهذا الشخص المُتخلف أهان العملية التربوية بكاملها، واطلب نقله الى طويريج فوراً". (إضافة من عندنا: مقطع الفيديو).ـ
انتفض عباس السكران من مكانه ووقف مترنحاً، حمد الله واثنى عليه وقال: "هذا المالكي نصّاب وقفاص وعلاس. إذا هو رجال، خل يجي هنا مو ينزّل الجيش الشعبي والحرس الجمهوري والطائرات على الشباب. هو، وكامل الزيدي، أكبر جبناء، وحتى ابو زكي المختار وياهم. وانت خنجر العار، شنو هذا الإستفتاء السخيف مالك؟ شنو عدنا امتحان اجب بنعم او لا؟ هو منو جاب المالكي غير مقتدى؟ شنو يريد ينصب علينة؟ شنو اصبروا ست شهور؟ روح كلله اكلب عكرب! هو مو اول مرة كال بالجزيرة المالكي جذاب؟ ليش هسة المالكي صار خوش ادمي؟ اني رايح يوم الجمعة لساحة التحرير وبشرفي، اليعتدي على شلش وجماعته اسوي اذنه مقطاطة! آني رايح، واذا واحد وكف بطريقي، اسوي عليه المنطقة الخضراء سودة! وينه علي الدباغ؟ وين قاسم المكصوصي؟ خل يجي حتى يعرف منو اني. اني خلصت حياتي قوات خاصة. يخوفوني بقنابلهم الصوتية. جبناء. أني رايح لباب الشرجي، آني رايح اغني بسبس ميو.. قلب قلب ،، هُمة شعليهم؟ لا وفوكاها، المالكي يكول تعالوا للزوراء لو لملعب الشعب! قفـّاص، يريد يعلسنا ،،، ههههههههه! لا أشو الا الباب الشرجي!!! وهناك خلي يسمعني اهتف : "جذاب! جذاب نوري المالكي جذاب!".ـ

فتحت صبيحة عيونها مُندهشة بهذا اللحن الجديد على مسامعها، واعجبتها طريقة ترديدها. قفزت على دكة الدرج وأنشدت باعلى صوتها: "جذاب ، جذاب نوري المالكي جذاب!" (إضافة من عندنا:
مقطع فيديو) (وهذا مقطع فيديو آخر عن طبيعة المتظاهرين في البصرة)."ـ

اجتماع طاريء لبيت حجي رحيمة

ـ2 آذار 2011


الثلاثاء، 1 مارس، 2011

شلش العراقي يرثي شهيد نصب الحرية مهند حمزة

ـ"قل لامك قبل ان تودعها في الحلم الاخير ، هي افضل الأمهات وجنة العراق تحت أقدامها ... سنأتي بيتها طوابيرا نقبل كفها لعلها تغفر لنا خطيئتنا عندما تركنا كمال الساعدي يعطي اوامر موتك "ـ

شلش العراقي يرثي شهيد نصب الحرية مهند حمزة على الفيسبوك

ـ28 شباط 2011


This page is powered by Blogger. Isn't yours?