الاثنين، 23 يناير 2012

عفية عليك يا مدير ... (ترى هاي حسجة)ـ

.
مدرس تربية إسلامية نقلوه الى مدرسة في أربيل

أول حصة سأل الطلبة: من قتل الخليفة عمر بن الخطاب رضي الله عنه؟ ـ

أول واحد كال: والله مو آني استاذ.ـ

والثاني كال: والله آني غايب البارحة أستاذ!ـ

والثالث كال: والله أنا ما أكدر اكتل نملة استاذ!ـ

لما شاف هالغباء طلب المدير وكلله السالفة،ـ

المدير سألهم نفس السؤال!ـ

وردوا عليه بنفس الإجابة!ـ

المدير اخذ المدرس على صفحة وسأله:ـ

أنت متأكد إن القاتل بهالصف!ـ

Comments: إرسال تعليق



<< Home

This page is powered by Blogger. Isn't yours?