السبت، 22 ديسمبر، 2012

ديـّلا! فوك جمالة شلش العراقي فرحان .. هاي شتخليلها وأطيب!ـ

.آني كلش افرح من يتهور ابو اسراء ويتصرف بطريقة هستيرية،ـ
افرح من يأمر وزارة سيادية مثل الداخلية لتقتحم وزارة سيادية مثل المالية، وتقوم بتدمير مكتب الوزير واعتقال حمايته،ـ
افرح من يصدر اوامر القاء قبض ضد الهاشمي ويفتحله باب المطار حتى يفلت، وبعدين يسمحله،ـ
وافرح من يصدر اوامر القاء قبض على  سنان الشبيبي ومظهر محمد صالح حتى تضيع السياسة النقدية،ـ
وافرح اذا اعتقل رافع العيساوي حتى يطيـّح حظ السياسة المالية،ـ
وافرح اذا منع مسعود البرزاني من السفر،ـ

افرح كلش اذا اعلن حل البرلمان واعلن نفسه حاكم مطلق على البلاد والعباد، لان دكتاتورية غبية افضل مليون مرة، اخواني واخواتي، من ديمقراطية ساقطة اخلاقيا؛ دكتاتورية صريحة وعلنية افضل من ديمقراطية عاهرة و تخجل من الجيران، دكتاتور معتوه ومريض نفسيا، افضل من برلمان سافل وسرداب للصوص،

عيني ابو اسراء، بطريقك، النجيفي ترى هذا هم شايف روحه، واذا تكدر اعتقل سيد مقتدى لان هالايام مو عالخط،ـ
اعتقلهم واحد واحد، كلهم ارهابين، لتخلي اي واحد منهم،ـ
ما طول اجت براسك روح والهوا بظهرك،ـ
احنا وياك وايران وياك ومدحت المحمود جوة ايدك، ـ

يا ديمقراطية عمي، هي گوة؟ العراق مكتوب على گصته من ابن شارع لابن شارع من العوجة لطويريج، والمصيبة عدنا شارع اكبر ابن شارع
Shalash Eliraqi شلش العراقي على الفيس بوك
ـ21 كانون الأول 2012
.
 

Comments: إرسال تعليق



<< Home

This page is powered by Blogger. Isn't yours?