السبت، 12 يناير 2013

تصنيف طائفي ... لشلش العراقي

.
ـ"عزيزي العراقي،ـ 
اذا جنت طائفي وتدري انك طائفي وفرحان لانك طائفي فانت شخص معاق روحيا وانسانيا واخلاقيا،ـ
 اما اذا جنت طائفي وتدري انك طائفي وحزين لانك طائفي، فانت شخص مريض وتحتاج علاج وطني والله يشفيك،ـ
 واذا جنت طائفي ومتدري انك طائفي، فهناك فحص اولي كلش سهل، شوف نفسك يا قناة فضائية تحبها، وراح راساً تعرف انت مصاب بالعدوى لو لا،ـ 
وفي حالة كونك مو طائفي وتدري انك مو طائفي فوضعك قلق وانتبه لصحتك الوطنية دائما،ـ 
اما اذا جنت مو طائفي ولا تدري انك مو طائفي، فانت شخص طبيعي وانسان معافى ونيالك لان حضرتك شبعان ضحك علينا، ودائما تگول هذولة شكد سخفاء،ـ 
الدنيا وين وصلت والجماعة بعدهم سنة وشيعة،ـ 
طبعا اعرف درس اليوم شوية صعب ،، وهم راح اعيده بعدين ،، بس ترى راح اجيبه بالامتحان ،، والممفتهم يرفع ايده رجاء."ـ

شلش العراقي على الفيسبوك
الأربعاء ٩ كانون الثاني 2013 


Comments: إرسال تعليق



<< Home

This page is powered by Blogger. Isn't yours?